Amapolisa aseMilnerton acela uncedo lokufumana usapho lomfi
Ngelixa wayehamba ecaleni kwedama emva kweholo kamasipala kufutshane neSitalato iWaxberry eDunoon ngoMgqibelo, inkwenkwe yagqogqa ingxowa yeplastiki ilele phantsi. Ukuva into enzima ngaphakathi, wavula ibhegi ukuze ajonge kwaye wafumanisa into eyoyikisayo: efakwe ngaphakathi ebhegini yayingumzimba wenkwenkwe ekwishumi elivisayo.
Isithethi seSAPS saseMilnerton uKapteni Nopaya Madyibi uthe oku kubhaqwe malunga nentsimbi yeshumi elinanye (11.30) ngoMgqibelo umhla wama-22 kweyeDwarha.
UMadyibi uthi le nkwenkwana yazisa abantu abakufutshane.
“Xa abahlali befika kwindawo yexhwayelo bafumene umzimba wenkwenkwe emnyama engaziwayo,” utshilo.
Umfi kukholelwa ukuba uneminyaka emalunga ne-15 ubudala. Akuzange kufunyanwe zinkcukacha zokuchongwa kuye, kwaye umzimba wasiwa kwindawo yogcino-zidumbu eSalt River.
Uthe amapolisa akhangela usapho, izalamane okanye izihlobo zomfi, kwaye nabani na onolwazi makaqhagamshelane nomcuphi uWarrant Officer Pienaar kwinombolo yomnxeba 0733 612389 kunye neCrime Stop inombolo 0860010111.