Ubundlobongela eDunoon naseSite 5
I-SAPS yaseMilnerton iphanda uthotho lweziganeko zokudubula ezothusayo ezishiye amadoda amathathu eswelekile ngoLwesithathu umhla we-17 kweyeKhala ngo-2024.
Amaxhoba amabini okuqala, omabini angaziwayo, afunyenwe enamanxeba okudutyulwa kwisitalato iDumani, eDunoon. Isithethi samapolisa eNtshona Koloni, uSajini Wesley Twigg, udize ukuba amapolisa abizelwe kwindawo yexhwayelo apho abezonyango baqinisekise ukuba omabini la madoda abhubhile.
“Abahlaseli babaleke phambi kokuba kufike amapolisa. Isizathu sokubulawa kwabantu kabini sisaphandwa,” utshilo uTwigg.
Ethubeni kwangalo mini, udubulo lwesithathu lwenzeka ngakwindlela yasePotsdam eSite 5.
Apha, kwafunyanwa enye indoda inenxeba lokudutyulwa entloko kwaye kwafunyaniswa ukuba ibhubhile kwindawo yexhwayelo.
U-Twigg uqinisekisile, “Iimeko ezijikeleze olu dubulo azikacaci, kwaye abarhanelwa basagcwele amathafa. Abasemagunyeni babongoza nabani na onolwazi ngezi ziganeko zobundlobongela ukuba atsalele iCrime Stop ku-08600 10111.